- Ցուցասրահ—ցուցադահլիճ, պատկերասրահ
- Ճարտարապետ—ճարտարագետ, ինժեներ, տնաշեն
- Բազմաթիվ—բազմաքանակ, բազմահամար, բազմաբյուր, բազմահազար,աստղաթիվ,անհաշիվ
- Սլացիկ—վայելչակազմ, բարձրաբուն, բարձրակատար
- Վեհաշուք—փառահեղ, փառապանծ, փառավոր, մեծաշուք, ազնվափայլ, մեծահանդես
- Չքնաղ—աննման, սքանչելի, չնաշխարհիկ, անզուգական, մոգական, գեղեցիկ, լուսագեղ
- Հպարտ—վեհ, վես, սեգ, ամբարտավան, պարծենկոտ, խրոխտ, մեծամիտ
- Դաժան—բիրտ, ժանտ, դժխեմ, անգութ, անողորմ, անողոք, անագորույն
- Ամբողջ—բոլոր, ամեն, ամենայն, բովանդակ, ողջ, համայն, լրիվ, չիմ
- Բարեկամ—ընկեր, մտերիմ, սրտակից, ազգական, մերձավոր, մերձակից, արյունակից, խնամի
Իսկ հիմա Շարադրությունս ըստ իմ ընտրած տաս հոմանիշների գործածմամբ
Ես սիրում եմ իմ երկիրը
(Շարադրություն)
Իմ երկիրը, իմ հայրենիքը Հայաստանն է: Հայաստանը մի ամբողջ ցուցասրահ է բաց երկնքի տակ: Ես արդեն ճարտարապետ հայրիկիս հետ հասցրել եմ բազմաթիվ անգամ ճանապարհորդել դեպի մեր հին հայկական հուշարձանները: Ես այցելել եմ չքնաղ Գառնին, սլացիկ Գեղարդը, վեհաշուք Սանահինն ու Հաղպատը, Հաղարծինն ու Գոշավանքը: Եղել եմ նաև Մաղնիում, Սաղմոսավանքում, Նորավանքում, Հռիփսիմեյում, Գայանեյում, Ամբերդում և Խոր Վիրապում: Ես հպարտանում եմ մեր եկեղեցիներով, որոնց մեջ մտնելով զգում եմ խորհրդավորություն և թվում է թե, դուրս գալուն պես բոլոր ցանկություններս կիրականանան:
Սիրում եմ Հովհաննես Թումանյանին, Րաֆֆիին, Ավետիք Իսահակյանին: Ի դեպ Ավետիք Իսահակյանը ինձ հեռու բարեկամ է: Ես հպարտ եմ իմ ազգով:
Քանի-քանի հին ազգեր կորել են, մնացել են միայն գրքերում, իսկ իմ ազգը կարողացել է գոյատևել և դիմակայել է ասորիների, պարսիկների,մոնղոլների և թուրքերի պես դաժան նվաճողներին: Ես սիրում եմ իմ երկիրը և միշտ իմ կարողության չափով պիտի պաշտպանեմ այն և շենացնեմ: